سنة من التدوين! happy 1st anniversary♥.

by - 11:37 م



نسيت كيف يبدون التدوينة؟.. بس يلا نقول
HAPPY 1ST ANNIVERSARY TO MY BLOG
🎂.

و كملّت مدونتي سنة كاملة ! كملت سنة في عالم التدوين اخيراً !
مرت السنة سريعة والله ، في البداية وعشان نتكلم بأمانة - ما اعرف بالضبط التاريخ
اللي فتحت المدونة فيه ، ف اعتمدت على تاريخ أول بوست نزلته . .
لكن تاريخ أول بوست مرّ عليه كم يوم اساساً ! ف المفروض هالبوست يكون في تاريخ
1\9

عوّرت راسكم؟😬
ماعلينا المهم اني كملت سنة كاملة في عالم التدوين
yaaaay 🎉!!

البوست هذا بيكون مُجرّد ذكرى جميلة ! عبارة عن فضفضة ومشاعر
جميلة حسيت فيها و قاعده احس فيها♥♥.


بداية التدوين:

قبل ما ابدا التدوين كنت اتابع وايد بلوقرز و الاغلب سعوديات ! حبيت الفكرة منهم
حبيت المواضيع اللي يطرحونها ، حبيت موضوع التدوين بكبره منهم ، تصويرهم
و اسلوبهم و حتى تشجيعهم للبنات بأنهم يفتحون مدونات كان حافز لي عشان افتح هالمدونة
من البلوقرز اللي كنت اتابعهم وما زلت هم ( أميره و قورجس و هيا )♥.
تدويناتهم تفتح النفس، فادوني ف مواضيع وايد غير عن موضوع التدوين،
طاقتهم الايجابية بروحها تسدّ♥♥.

قبل ما افتح هالمدونة فتحت قبلها وحده ! لكن ما نزلت فيها الا بوست واحد و سحبت عليها ،
رجعت فتحت هذي وقررّت ادون متى ما حبيت وما احذف منها شي والحمدلله استمريت فيها♥♥.

البداية ما كانت سهلة ابداً كنت وااايد متردده ، خايفة من الفشل و خايفة اني ما استمر اساساً
لكن كنت حابة الموضوع ، كل الاشياء اللي انا احبها اساسًا بمارسها لو فتحت لي هالمدونة ، . .
اختي \ صديقاتي \ بنات عمي \ خالتي
ما قصّرو  ! كانو وايد يشجعوني على البداية و يعطوني أفكار و ملاحظات على
البوستات و شو ازيد و شو اعدّل! وبعضهم متابعتهم بس كانت تعطيني حماس و تشجعني بشكل غير مُباشر
ف هم من اهم الاسباب اللي خلتني استمرّ  
(حصيص اختي ،  شمسة و الريم و شفاء ، شرون و مزون و خالتي ميره ) شكراً واااااايد و جداً احبكم♥♥♥♥♥.
انتو سبب من الاسباب اللي خلتني استمّر في التدوين♥♥.

طبعاً لو بتكلم عن الناس اللي دعموني و ساعدوني مُستحيل انسى مشروع ( نافذة المدونات )
من اكثر الاسباب اللي ساعدتني اوصل صوتي و اعرّف المدونة لـ أكبر شريحة من الناس  !
غير ان صوتي وصل تعرفّت على ناس و مدونات مخوتهم تنشرى ، يشجعون الواحد و يحمسونه انه يبدع اكثر
ما بذكر اسامي عشان ما انسى حد لكن شكراً لمؤسسة المشروع إيكا و لباقي البنات
اللي احس انهم اكثر من مدونات !
عايلة ثانية♥♥♥♥.




من الاشياء اللي مستحيل تغيب عن بالي♥♥:
فرحة اول كومنت على أول البوست ! و فرحة أول مُتابعة ، لدرجة اني كبجرت اسمها كأولّ مُتابعة و محتفظة فيه،
الكومنتات اللي كانت تزيد يوم عن يوم عدد المشاهدات وهو يرتفع، التعليقات من الناس اللي احبهم و تشجيعهم!
زيادة المتابعين في سناب! و تعليقات سناب نفسها .

كلها أشياء مستحيل انسى لذّتها، تحسسني اني مب قاعدة اكتب لعمري ،
واساساً المُتابعة هذي و المُشاهدات و الإضافات بحد ذاتها دعم و حماس
لانجاز اكثر♥♥♥.

ادري اني مقصّره ف تنزيل المواضيع ، و التفاعل في حساباتي في السوشال ميديا
لكن اختكم في الله تحبّ كل شي يكون كامل ! دايماً اصور لمواضيع و ما احب الصور
ف انسى الموضوع و اطلعه من بالي، احب اسوي شي و اقتنع فيه لكن صعب اقتنع
ب اي شي فهالسبب هو اللي مخلني اقصرّ شوي، شوي ترا مب وايد👅.



وايد اشياء تغيرت من بديت التدوين ، وايد امور تافه جداً صارت ما تشدّني
اهتماماتي تغيرت ! و حتى اشياء ف شخصيتي تغيرت و كلها للأفضل الحمدلله
اعتبر التدوين خطوة جميلة ف حياتي، واكيد ف المستقبل برجع اقرا البوستات بحُبّ
متاكدة اني ما بندم على هالخطوة ، وبالعكس بشكر نفسي عليها♥♥.

صح اني ما نزلت وايد بوستات ومّرت فترات طويلة ما نزلت فيها شي، لكن طول هالوقت
وانا تفكيري بس ف المدونة، و ف المواضيع اللي اريد انزّلها ، و ان شاءالله القادم بيكون
أجمل♥♥♥.

ما كتبت تفاصيل وايد ف البوست، ماحبيته يكون طويل وايد
ان شاءالله يكون بوست خفيف، و شكراً لكلّ جميلة قرأت أي بوست
في المدونّة، و ان شاءالله استفدتو لو شوّي♥♥.

اذا حابين تتابعوني عن قُرب ، هذا سنابي :
هنـا | february.23rd♥♥.


( سنة سعيده مُدوّنتي )
نلقاكم في بوست قادم♥.

You May Also Like

8 التعليقات

  1. كل سنة و انتي مبدعة هي أول مرة ادخل مدونتك، تفاجأت انو عندنا نفس الأفكار حتى اسماء المدونات لي حفزتك هم نفس لي كانو دافع لي و أحبه و دائما اتابعهم. فعلا التدوين تحسي أنو عايشة بالتفاصيل لي تحبيها. ان شاء الله بالتوفيق

    ردحذف
  2. اذا حالة تزوري مدونتي ءسميتها "أنت نعمة" أتمنى تنال اعجابك ❤

    ردحذف
  3. سنة سعيدة يارب
    ومنها لسنوات جاية أحلى وأسعد
    على مستوى التدوين وعلى الصعيد الشخصي ♥

    ردحذف
  4. كل سنة وأنت مع مدونتكـ أفضل و أجمل :)
    تدرين نفسك شعورك لما مدونتي مرت عليه سنة
    فرحت بأول تعليق و أول إعجاب
    و الإضافات شعرتني شعور مختلف :)
    بالتوفيق لكـ

    ردحذف
  5. ماشاء الله عقبال الميّة يارب ، وفي موازين حسناتك :]
    مدونتك من أحب المدوّنات بالنسبة لي فلاتطولين علينا بالبوستات
    حبيت توثيقك لمشاعرك حاجة مرا جميلة ، موفقه علوي 🌸

    ردحذف
  6. كل سنة و انت مع مدونتك ، و كل سنة و انجازاتك اكثر و يارب يحقق لك كل الي في بالك و يوفقك و على فكرة انا اتبابعك من اول ما فتحتي المدونة اذا ما خابت ذاكرتي تابعتك من قبل لا تكتبي اول بوست و سعيدة جداً اني تعرفت عليك و عرفتك اكثر �💕�

    ردحذف
  7. عمري علياء :( لامستني مشاعرك مرره :(
    عقبال الميه سنه من التدوين و الانجاز يارب

    ردحذف