طريقة تركيب فلاتر سناب + فلاتر رمضانية وللعيد مجاناً♥
يا اهلاً و سهلاً | عُدنا من يديد بعد انقطاع طويل جداً، ♥.
لهالمكان وحشة والله ♥♥
مبروك عليكم شهر رمضان ؛ وكلّ عام وانتو بخير و الله يعينا على صيامه وقيامه ♥♥.
مثل ما وعدتكم في سناب ؛ اني اشرحلكم طريقة تركيب فلاتر سناب!
بشرحلكم الطريقة في هذا البوست.. الطريقة سهله جداً جداً ومب معقده
و لكم منّي هدية بسيطة بمناسبة هذا الشهر♥؛ فلاتر مجانيّة من تصميمي تقدرون تستخدمونها
لشهر رمضان و للعيد بعد♥♥
الفلاتر جاهزه كل اللي عليكم انكم تحملونها و تطبّقون الطريقة اللي بحطها لكم♥
يلاّ؟
أول نقطة وتوضيحاً للكلّ: هذي خدمة رسمية غير مجانية من شركة سناب جات♥
يعني مب هكر ولا جلبريك مثل ما البعض يعتقد.
♥. ادخلو موقع سناب جات الرسمي، snapchat.com
من الشريط العلوي للموقع اختاروا geofilters ♥
♥. بتطلع لكم هذي الصفحة روحوا صوب personal
و تحت بوكس الـ personal ضغطوا على submit now ♥
♥. بعدين بتطلع لكم هذي الصفحة دخلو فيها يوزر سنابكم و الباسوورد
و سوو جيك على بوكس i'm not a robot ♥
♥. بتطلع لكم هالصفحة فيها هالبوكسين :
بوكس use your own عشان ترفعون الفلاتر اللي من تصميمكم الخاص ..
" اللي بتحملونها من هالبوست " ف اختارو هالبوكس وضغطوا على upload
و بوكس create online فيه تصاميم جاهزه يوفّرها الموقع تقدرون تعدلون عليها اذا حابين.
♥. بعد ما تضغطون upload اختاروا الفلتر اللي تبونه وضغطوا على choose .
♥. بيطلع لكم شكل الفلتر، تقدرون تسوون زووم ان و زووم اوت..
لكن ما يحتاي لانّ الفلتر ع القياس بالضبط ف لا تغيرّون شي
صوب السهم: كتبو اسم للفتر و ضغطوا على next ♥.
♥. بتطلع لكم هالصفحة وهالصفحة جداً جداً مهمّه،
تحددون فيها التاريخ و الوقت اللي تبون الفلتر يظهر فيه
فانتبهوا للوقت سواءً am أو pm لازم تفرقون بينهم♥.
بعد ما تتحدون التاريخ ضغطو على next ..
♥. آخر خطوة و أهم خطوة، صفحة تحديد الموقع أو الخريطة!
بتلاحظون فوق ع اليمين التاريخ و الوقت و تقدرون تغيّرونه ..
و ع اليسار المساحة و المبلغ ، النقطة المُهمّه هي أنّ : سعر تركيب الفلتر ..
يعتمد على ( مساحة الموقع و عدد الساعات )، كل ما زادت المساحة او زاد الوقت
يزيد المبلغ اللي ياخذه الموقع ، و كل ما قلّت المساحة و عدد الساعات قلّ السعر ..
♥. عشان تحددون الموقع كتبو ف السيرج اسم القاعة مثلاً اذا كان عرس، واذا كان ف بيت حددّوا
اقرب معلم او مكان معروف لبيتكم مثلاً ( مول،ملعب، صيدلية ) الخ .. و بعدين حددو بيتكم
بتسهلّ الطريقة لكم..
تحت ع اليمين في زووم ان، وزووم اوت،
ف النص مكتوب draw fence ، عشان تحددون المساحة اللي تبون الفلتر يطلع فيها
و تقدرون تسوون rest لو غلطتّوا و تعيدون من اول او تتحكمون بالرسمة عن طريق النقاط
♥. قبل ما تحددون المساحة اضغطوا على satellite عشان يبين لكم المبنى عدل ..
مثلاً انا حددت قاعة هيلي للأفراح، اول ما حددتها لاحظوا فوق السيرج طلع لي المبلغ
المبلغ يكون بالدولار ، ف تحوولنه لعملتكم♥.
اذا ما عيبكم المبلغ تقدرون تنقصون الوقت ، او تقللّون المساحة ..
أقل مبلغ ياخذه موقع سناب هو 5$
ف لو طلع لكم 5$ للمساحة اللي حددتوها، زيدو الوقت وشوفو بيتغيّر المبلغ او لاء
بما انكم دافعين ٥$ دافعينها استغلو الوقت كامل♥.
♥. اخر خطوة هي انكم تضغطون next و بتروحون لصفحة الدفع
لازم تختارون filter type ، personal \ ولو كان لبزنس لازم تحطون انه بزنس ولا بينرفض.
بعدين تعبون بيانات الفيزا ..
و ع اليمين موجوده تفاصيل الفلتر الوقت و المكان و التاريخ ، بالإضافة للمبلغ
والإيميل اللي بيتطرش عليه تأكيد الدفع و تأكيد التفعيل ..
و بعدين بيوصلكم ايميل بتأكيد الفلتر أو الرفض♥.
نقاط مهمّة:
♥. الخدمة رسمية مدفوعة من شركة سناب جات.
♥. مبلغ الفلتر يعتمد على مساحة المكان وعدد الساعات.
♥. أقلّ مبلغ ياخذه الموقع هو 5$ مهما كانت المساحة أو عدد الساعات.
♥. أقلّ مساحة يقبلها الموقع هي ٢٠،٠٠٠ ft sq .
واخيراً و ليس آخراً ؛ هديتي المتواضعة لكم بمناسبة هذا الشهر الكريم ..
فلاتر خاصّة لأصدقاء المُدونّة و أصدقاء سناب ؛ فلاتر مجانية من تصميمي
لرمضان و العيد♥.
تنبيه بسيط :
الفلاتر مجانية لمتابعين المُدونّة و ليست للإستخدام التجاري ابداً
اي شخص يستخدم الفلاتر استخدام تجاري غير مُحلل♥.
لتحميل الفلاتر : هُنا♥
و بجيه وصلنا نهاية البوست، ان شاءالله حبيتوه وان شاءالله الشرح واضح♥.
القاكم ان شاءالله في بوست يديد♥
twitter♥: february_23rd | insta♥: february.23rd | snapchat♥: february.23rd
7 التعليقات
حبيت هالفقرة "ف لو طلع لكم 5$ للمساحة اللي حددتوها، زيدو الوقت وشوفو بيتغيّر المبلغ او لاء
ردحذفبما انكم دافعين ٥$ دافعينها استغلو الوقت كامل♥." احب الناس الاقتصادية 😂👌🏽👌🏽
مررره حبيت الموضوع طلع أسهل مما توقعت ����
ردحذفبوست رهييييب جا في وقتتتته ������❤❤
شكرررراااا مرررره كثيرررر
ردحذففكرة ذكية جداً من سنابشات اضافوا لمستهم للمناسبات والاحتفالات ، دايماً تعجبني افكارهم وتحديثاتهم
ردحذفحبيت البوست جدا الشرح كان واضح والطريقة مبينه سهلة من شرحك ..
والأكيد حبيت الهدية اللطيفة اضافة جميلة للبوست
مره حبيت البوست وبيفيد الكل
ردحذفوجدا سهل وحبيت فيك شرحك مررره واضح والطريقة سهله كثير
يعطيك العافيه حبيبتي❤️
يعطيك العافية ع الشرح الجميل زيك و الفلاتر الرائعة 💕 😘
ردحذفيعطيك العافية الشرح رايع وهل لكن ممكن رابط التنزيل للفلاتر ما يشتغل بليز ممكن تضبطينه
ردحذف